पोखरा , चैत्र २४,
प्रतिनिधि सभाका रिक्त ३ स्थानका लागि २०८० साल वैशाख १० गते सम्पन्न हुने उप निर्वाचनमा चितवन, बारा र तनहुँ जिल्लाभर आज देखि निर्वाचन आचारसंशिता लागु भएको छ आज चैत्र २४ गतेदेखि निर्वाचन सम्पन्न नहुने दिनसम्म ति जिल्लाहरुमा आचारसंहिता लागु हुने निर्वाचन आयोगले जनाएको छ ।
नेपाल सरकार र नेपाल सरकारका मन्त्री, प्रदेश सरकार र प्रदेश सरकारका मन्त्री, संवैधानिक निकाय र सो निकायका पदाधिकारी, नेपाल सरकार वा प्रदेश सरकारका निकाय र सो निकायका पदाधिकारी, स्थानीय कार्यपालिका र सोका सदस्य, सङ्घ, प्रदेश र स्थानीय तहका कर्मचारी,सुरक्षा निकाय, सुरक्षाकर्मी तथा कर्मचारी, अर्धसरकारी तथा सार्वजनिक संस्थाको कार्यालय र कर्मचारी, राजनीतिक दल तथा राजनीतिक दलका भातृ सङ्गठन,उम्मेदवार तथा सम्बन्धित व्यक्तिलाई आचारसंहिता लाग्ने छ । त्यसै गरि राजनीतिक दल तथा उम्मेदवारको मतदान प्रतिनिधि तथा मतगणना प्रतिनिधि, सार्वजनिक पद धारण गरेको व्यक्ति, अनुगमन समितिका पदाधिकारी तथा अनुगमनकर्ता, पर्यवेक्षण संस्था तथा पर्यवेक्षक, सञ्चार प्रतिष्ठान, सोका कर्मचारी तथा सञ्चारकर्मी, निजी तथा गैरसरकारी संस्था, सोका पदाधिकारी तथा कर्मचारी,विद्यालय, महाविद्यालय वा विश्वविद्यालय, सोका शिक्षक तथा कर्मचारी, मतदाता,विकास साझेदार संस्था,सरकारी वा अर्धसरकारी निकायबाट सञ्चालित परियोजना तथा परियोजनाका कर्मचारी,मतदाता शिक्षा कार्यक्रम सञ्चालन गर्ने संस्था तथा सो संस्थाका कर्मचारी,निजी क्षेत्रका बैङ्क तथा वित्तीय संस्था, सहकारी संस्था, व्यापारिक तथा औद्योगिक क्षेत्र, सोका पदाधिकारी, कर्मचारी तथा कामदार, वस्तु वा सेवा प्रदायक व्यावसायिक संस्थाका पदाधिकारी, कर्मचारी तथा कामदारलार्य आचारसंहिता लागु हुने निर्वाचन आयोगका प्रवक्त शालिग्रम शर्मा पौडेलले वताए ।