पोखरा चैत्र ३,
फागुन २९ गते देखि चैत दुई गते सम्म आर्वामा सञ्चालन भएको प्रथम अमलाचौर चापडाँडा भेट्रान्स भलिबल प्रतियोगिताको उपाधी युनाईटेड किङ्ग क्लब पोखराले हात पारेको छ ।
१० भलिबल समूहहरुले भाग लिएको सो प्रतियोगीतामा शनिवार भएको फाईनल खेलमा दमौली साँगे समुहलाई सोझो सेटमा युनाईटेड किङ्गले पराजीत गरी उपाधि चुमेको हो ।
उपाधी संगै युनाईटेडले नगद ४० हजार शिल्ड, मेडल तथा प्रमाणपत्र प्राप्त गरÞ्यो भने उपविजेता दमौली साङ्गे क्लबले नगद २५ हजार प्राप्त गरेको छ ।
वेष्टव ५ का आधारमा खेलाईएको खेलमा बेष्ट प्लेयर दमौली साँगेका नरजङ्ग गुरुङ , वेष्ट डिफेन्स युनाईटेड किङ्ग क्लक्का राम छन्त्याल, वेष्ट स्पाईकर युनाईटेडकै शिब गुरुङ तथा वेष्ट सेटर पनि युनाईटेडकै नविन गुरुङ भएका थिए । उनीहरुलाई विधागत पुरस्कार प्रदान गरिएको आयोजक सुरज अधिकारीले जानकारी दिए ।
अमलाचौर चापडाँडा टोल बिकाश संस्था तथा स्थानिय उत्साही युवाहरुको आयोजनामा भएको प्रतियोगीतामा बिभिन्न माध्यमबाट सहयोग पुरÞ्याउने व्यक्ति तथा संस्थाहरूलाई सम्मान गरिएको कार्यक्रम संयोजक देबेन्द्र परियारले जानकारी दिए ।
समापन कार्यक्रमको अध्यक्षता अमलाचौर चापडाँडा टोलबिकाश संस्थाका अध्यक्ष इन्द्रराज बरालले गरेका थिए भने प्रमुख अतिथि पोखरा महानगर पालिका वडानं १३का जनप्रतिनिधि बलबहादुर बराल, बिशेष अतिथि सुचित तामाङ्ग , रजनी परियर लगायतले विजेता, उपविजेतालाई लगायतलाई पुरस्कार एवं सम्मान प्रदान गरेका थिए ।