पोखरा चैत्र १७,
चैत्र १५ गते राजावादीहरुको आन्दोलदनको क्रममा काठमाण्डौमा भएको पत्रकारको हत्या र मिडियाका कार्यालयहरुमा भएको तोडफोडको पोखराका सञ्चारकर्मीहरुले विरोध जनाएका छन् । तिनकुनेमा जलेर मृत्यु भएका एभिन्युज टेलिभिजनका पत्रकार सुरेश रजाक प्रति पत्रकारहरुले श्रद्धाञ्जली व्यक्त गरे । नेपाल पत्रकार महासंघ कास्कीको आयोजनामा शनिवार भएको विरोध कार्यक्रममा पत्रकारका विभिन्न संघ संगठनका नेताहरुले राजावादीहरुको आन्दोलनका क्रममा भएको अराजक गतिविधिहरुको न्निन्दा गरे । कुनै पनि वाद र राजनितीक आन्दोलनका नाममा सञ्चार माद्यमहरुलाई तारो वनाईएको प्रति उनिहरुले विरोध गरे । नेपाली प्रेस जगतले जस्तो सुकै कठिन अवस्थामा पनि समाचार संकलन गरेर जनतालाई सूसूचित गर्ने गरेको भन्दै यसरी सूचना पु¥याउने प्रेस जगतमाथि आक्रमण हुनु भनेको प्रेस स्वतन्त्रता माथिको ठाडो हस्तक्षेप भएको भन्दै त्यो सैह्य नहुने पत्रकारहरुले वताए । समाचार संकलन गर्न गएका पत्रकार रजाकलाई भित्र कोठामा भएको वेला वाहिरवाट चावी लगार्ईदिएको भन्दै पत्रकारहरुले उक्त अपारधिक कार्यको न्न्दिा गरे ।
नेपाल पत्रकार महासंघ कास्कीका अध्यक्ष माधव वरालको अध्यक्षतामा भएको विरोध सभामा नेपाल पत्रकार महासंघ गण्डकीका अध्यक्ष रमेश पौडेल, कास्कीका पूर्व अध्यक्ष दिपेन्द्र श्रेष्ठ प्रेस युनियन कास्कीका अध्यक्ष वाशुदेव मिश्र, प्रेस चौतारी कास्ककिा अध्यक्ष मोतिशागर अधिकारी, प्रेस सेन्टरका केन्द्रिय सदस्य सन्देश श्रेष्ठ, समाजवादी प्रेस संगठनका केन्द्रिय सदस्य गोविन्द सुवेदी लगायतले मन्तव्य व्यक्त गरेका थिए । कार्यक्रमको सञ्चालन सचिव भूपाल गुरुङले गरेका थिए । यस अधि नेपाल पत्रकार महासंघ कास्कीको परिषरवाट निस्केको पत्रकारहरु सम्मिलित जुसुल प्रेस स्वन्त्रता र पत्रकारहरुको सुरक्षा लगायतका नारा लगाउदै पर्यटक वसपार्क, राष्ट्रवैक चोक हुदै सहिदचोकमा पुगेका थिए । सहिदचोकमा विरोध सभा भएको थियो ।