पोखरा चैत्र १०,
्पोखराको पृथ्वी नारायण क्याम्पसमा आईतवार निर्वाचन सम्पन्न भएको छ । चैत्र ५ गते मत पत्रमा उमेद्धवारको नामको विषयलाई लिएर स्थगित भएको निर्वाचन आज सम्पन्न भएको हो । कुल ९ हजार २७० मतदाता रहेको यस क्षेत्रकै ठूलो पृथ्वीनारायण क्याम्समा अनेरास्वीयु, नेविसंघ, अखिल क्रान्तिकारी, एकल रुपमा निर्वाचनमा होमिएका छन् भने नेकपा एकिकृत समाजवादी निकट अनेरास्वीयु, विप्लव निकट अनेरास्वीयु समाजवादी, र वैद्य निकट विद्यार्थी संगठन अखिल क्रान्तिकारी वैद्य तालमेल गरेर चुनाव लडेका छन् । एमाले निकट अनेरास्ववियुबाट अध्यक्षमा विष्णु पोखरेल,काँग्रेस निकट विद्यार्थीहरुको संगठन नेपाल विद्यार्थी संघको तर्फवाट सुशील न्यौपाने, नेकपा माओवादी निकट विद्यार्थीहरुको संगठन अखिल क्रान्तिकारीवाट नवीन अधिकारी, नेकपा एकिकृत समाजवादी निकट अनेरास्ववियू, अखिल समाजवादी र अखिल क्रान्तिकारी वैद्यको तर्फबाट संयुक्त प्यानल मार्फत सन्तोष पौडेलले उमेद्धवारी दिएका छन् । प्राज्ञिक विद्यार्थी परिषद्बाट दिप्सन गुरुङ, राष्ट्रिय जनमोर्चा निकट अखिल छैटौंका मिलन सुनार र कमल सुवेदी र विप्लवी न्यौपानेले अध्यक्षमा स्वतन्त्र उमेद्धवारी दिएका छन् ।
आर्ईतवार भएको निर्वाचननमा जम्मा २ हजार ८ सय ९७ मत खसेको छ । प्रतिशतका हिसावले यो ३१.२५ प्रतिशत हो ९ हजार २ सय ७० मतदाता रहेको निर्वाचनमा विद्यार्थीहरु अत्यन्तै कम संख्यामा मत हाल्न आए । यस क्षेत्रकै ठूलो पृथ्वीनारायण वहुमुखी क्याम्पसको स्वीयु निर्वाचनमा खसेको मत लाई हेर्दा विद्यार्थीहरुमा राजनिती प्रतिको मोह ह्वात्तै घटेको देखिएको छ । विद्यार्थी संगठनहरु विद्यार्थीहरुका मुद्धामा भन्दा राजनितीक पार्टिका कार्यकर्ता भएको कारण विद्यार्थीहरुमा संगठन र स्वीयु प्रतिनै निराशा देखिएको छ । आईतवार विद्यार्थीहरुको निर्वाचन पृथ्वीनारायण क्याम्पस भित्र भईरहदा वाहिर भने राजनितीक पार्टिका नेता कार्यकर्ताहरुको ठूलो भिड देखिएको थियो । आफ्ना विद्यार्थी संगठनका नेताहरुलाई चुनावमा मत माग्नका लागि र उनिहरुलाई ढाडस दिनका लागि नेकपा एमाले, नेपाली काँग्रेस, नेकपा माओवादी केन्द्र , नेकपा एकिकृत समाजवादी लगायतका राजनितीक पार्टिका नेता कार्यकर्ताहरुको क्याम्पस वाहिर ठूलै भिड देखिन्थ्यो । भित्र चुनाव भईरहदा पृथ्वी नारायण क्याम्पसको स्ववीयुका पूर्व सभापतिहरु सोमनाथ अधिकारी प्यासी, खगराज अधिकारी, पोखराका मेयर धनराज आचार्य, तुल वहादुर गुरुङ, राजिव पहारी, दिलिप क्रिम शाही, पदम गिरी लगायत क्याम्स वाहिर देखिएका थिए ।