पोखरा श्रावण ६,
आज विहान पोखराको लेकसाइडमा सवारी दुर्घट्नामा परि एक जनाको मृत्यु भएको छ । विहान ०५ः४० बजेको समयमा पोखरा महानगरपालिका वडा नं.६ हल्लन चोकमा ग ३ च ३४५७ नं. को हाईलक्स गाडी र ग ११ प ९१ नं को मोटरसाईकल एक आपसमा ठक्कर खाँदा मोटरसाईकल चालक पोखरा महानगरपालिका वडा नं ८ वस्ने २६ वर्षका ईश्वर परियार घाइते भएका थिए । तत्काल उनलाई उपचारको लागीगण्डकी मेडिकल कलेज पोखरा पठाईएकोमा विहान ६.४३ बजे उपचारको क्रममा मृत्यु भएको जिल्ला प्रहरी कार्यालय कास्कीका सूचना अधिकारी वसन्त कुमार शर्माले जानकारी दिएका छन् । सो स्थानमा घट्ना पश्चात वडा प्रहरी कार्यालय बैदामबाट खटिएको प्रहरी टोलीले दुवै सवारी साधनलाई नियन्त्रण लिएको र हाईलक्स चालक बर्दिया जिल्ला ठाकुर बाबा न.पा. ८ स्थायी घर भई हाल पोखरा म.न.पा. वडा नं.१७ ड्यामसाईड बस्ने वर्ष ३० को सुशिल दहितलाई नियन्त्रणमा लिई अनुसन्धान गरिरहेको प्रहरीले जनाएको छ ।