पोखरा ,चैत्र १५,
गण्डकी प्रदेशका उद्योग तथा पर्यटनमन्त्री मित्रलाल बस्याल र सिचुवान एयरलाइन्स ( सिटिएस)प्रमुख जुन यान विच पोखरामा भेटघाट भएको छ । सो अवसरमा जुन यानकी सेक्रेटरी ली छिनको पनि उपस्थिती रहेको थियो ।
भेटमा सिचुवान एयरलाइन्सले हालै सुरु गरेको पोखरा–छेन्दु चार्टर हवाई उडानले पर्यटन र व्यापार प्रवद्र्धनमा ऐतिहासिक उपलब्धी भएको विषयमा कुराकानी भएको र चीन सरकारले यस उडानलाई विशेष प्राथमिकता दिएको हुँदा यसको दीर्घकालीन सञ्चालनबारे गहन छलफल भएको थियो ।
सो भेटमा मन्त्री बस्यालले पोखरा–छेन्दु चार्टर उडानले नेपालको पर्यटन मात्र होइन, नेपाल–चीन व्यापारिक सम्बन्धलाई पनि नयाँ उचाइमा पु¥याउने वताए । चिनियाँ पर्यटकहरू पोखरामा मात्र घुम्न आउने होइनन्, होटल, रेस्टुरेन्ट, साहसिक पर्यटन, र स्थानीय उत्पादनमा लगानी गर्ने सम्भावना पनि रहेको मन्त्री वस्यालले विश्वास व्यक्त गरे । नेपालका पर्यटन व्यवसायीहरूले अब चिनियाँ पर्यटकहरूलाई लक्षितगर्दै नयाँ प्याकेज, प्रचार–प्रसार, र लगानीका योजनाहरू बनाउनुपर्ने मन्त्री वस्यालले वताए ।
भेटका अवसरमा सिटीएस प्रमुख यानले निजी क्षेत्रको ठूलो चासो देखिएकाले पोखरा–छेन्दु उडानलाई नियमित बनाउन सकिने बताए । चीन सरकारले पोखरालाई पर्यटन गन्तव्यका रूपमा प्रवद्र्धन गर्ने योजनाबनाएको समेत यानले वताए । चिनियाँ पर्यटक छोटो दूरीका गन्तव्य रोज्छन्, थाइल्याण्ड, हङकङ, मलेसिया जस्ता ठाउँहरू चीनमा निकै लोकप्रिय छन्, पोखरा पनि अब सोही सूचीमा राख्ने तयारी भइरहेको यानले वताए । सिचुवान प्रान्तका पर्यटन व्यवसायीहरूले पोखरालाई चिनियाँ पर्यटकहरूको आकर्षणको केन्द्र बनाउन चाहिरेको यानले वताए । सिचुवानप्रान्तले पोखराकालागि १० वटा चार्टर उडान सञ्चालन गर्ने प्रतिबद्धता जनाएको छ । यदि यी उडानहरू सफलभए भने भविष्यमा पोखरा–छेन्दु नियमित हवाई सेवा सञ्चालन गर्ने सम्भावना बलियो हुनेछ यानले भने . चीनमा जुन–जुलाई महिनामा विद्यालयहरू बिदाहुने भएकाले परिवार सहित भ्रमण गर्ने प्रवृत्ति बढ्छ,चिनियाँ पर्यटकहरू छोटो दूरीमा घुम्न मन पराउने भएकाले पोखरा हङकङ र थाइल्याण्डकै जस्तै राम्रो विकल्प बन्न सक्ने यानले वताए ।
पहिलो चार्टर उडानबाट पोखरा महानगरपालिकाका प्रमुख धनराज आचार्य सहितको पर्यटन व्यवसायीहरुको टोली चिनको छेन्दु गएका थिए । पोखराका पर्यटन व्यवसायी तथा सरकारी प्रतिनिधिहरू पनि फर्किसकेका छन्, जसले थप सम्भावनाबारे अध्ययन गरिरहेका छन् । यो उडानसँगै अब पोखराबाट सिधै चीनको छेन्दु पुग्न सकिने सुविधा भने सुरु भएको छ । अव १९ चैत्र मा उद्योगी व्यवसायीहरुको टोली सिचुवान एयरलाईन्सको चार्टर विमानवाट छेन्दु तर्फ जाँदैछ । प्रत्येक हप्ता पोखरावाट सिचुवानले छेन्दुका लागि चार्टर प्लाईट गरिरहेको छ । पोखरालाई पर्यटनको राजधानी घोषणा गरिएसंगै चिनको सिचुवान एयरलाईन्सले पोखरा छेन्दु उडानमा चासो देखाएको थियो । यो उडानले पोखरा भ्रमण वर्षमा चिनीया पर्यटक पोखरा ल्याउन महत्वपूर्ण भूमिका निर्वाह गर्ने अपेक्षा गरिएको छ ।