पोखरा चैत्र १७,
नेकपा एकिकृत समाजवादी गण्डकी प्रदेश कमिटीको दोस्रो वैठक विभिन्न निर्णय गर्दै शनिवार सम्पन्न भएको छ । वैठकले ३७ सदस्यीय सचिवालय गठन गरेको छ । त्यसै गरि गण्डकी प्रदेशका ८५ वटै स्थानिय तहमा ईञ्चार्ज तोकेको छ । वैठकले विभिन्न २६ वटा विभागहरु प्रमुखहरु र २३ वटा जनसंगठनका ईञ्जार्ज समेत मनोनयन गरेको नेकपा एकिकृत समाजवादी गण्डकीका अध्यक्ष कृष्ण नेपालीले जानकारी दिए । त्यसै गरि वैठकले गण्डकी प्रदेशका ११ वटै जिल्लाहरुमा जिल्ला अधिवेसनको तयारी गर्न जिल्लाहरुलाई निर्देशन दिएको छ । वैठकले चैत्र १५ गते समाजवादी मोर्चाले काठमाण्डौमा गरेको विशाल जन प्रदर्शन सफल भएको भन्दै मोर्चा प्रति धन्यवाद ब्यक्त गरेको छ साथै चैत्र १५ गते गणतन्त्रका विरोधीहरुले काठमाण्डौको तिनकुनेमा गरेको प्रदर्शनका क्रममा गरेका ब्यक्तिगत सम्पत्ति लुटपाट गर्ने, मिडियाका कार्यालयहरुमा तोडफोड गर्ने, लगायतका उछृङ्खल र अपराधिक गतिविधीहरुको भत्सर्ना गर्दै उक्त अराजक मण्डलेहरुको जत्थाले नेकपा एकिकृत समाजवादीको केन्द्रिय कार्यालय तोडफोड गर्ने र आगजनी गर्ने अपारधिक गतिविधि गरेकाले उक्त कार्याको घोर भत्सना गर्दै उक्त अपारधिक कार्यामा संलग्नहरुलाई गिरफ्तार गरि कडा भन्दा कडा कारवाहीको माग समेत गरेको छ ।
नेकपा एकिकृत समाजवादी गण्डकी प्रदेश कमिटीका अध्यक्ष कृष्ण नेपालीको अध्यक्षतामा भएको वैठकमा प्रमुख अतिथी केन्द्रिय सचिव श्रीनाथ वराल, पोलिटव्यूरो सदस्य धनराज आचार्य, केन्द्रिय सदस्य तुल वहादुर गुरुङ, केन्द्रिय लेखा आयोगका सदस्य मंगल प्रसाद श्रेष्ठ, लगायतले मन्तव्य ब्यक्त गरेका थिए । वैठकको सञ्चालन सचिव ठाकुर शर्मा र स्वागत उपाध्यक्ष मुक्ति पौडेलले गरेका थिए ।