पोखरा पौष २४,
पोखरामा जारी २२औँ संस्करणको आहा रारा पोखरा गोल्डकप फुटबल प्रतियोगिता को उपाधि सङ्कटा फुटबल क्लबले जितेको छ । शनिबार पोखरा रंगशालामा भएको फाइनल खेलमा सङ्कटाले भुटनीज युथमाथि ३–२ गोल अन्तरले जित निकालेको थियो । खेल निर्धारित समय २–२ गोलको बराबरीमा सकिएको थियो । अतिरक्त समयमा सङ्कटाले गोल गर्दै खेलमा बाजी मारेको थियो । खेलको सुरुवातमै २–० गोलको अग्रता बनाएको सङ्कटाले पहिलो हाफमै उक्त अग्रता जोगाउन सकेन । खेलको ८औँ मिनेटमा सुरज ज्यु ठकुरीले सङ्कटालाई अग्रता दिलाएका थिए । सुरजले निशान खड्काको क्रसलाई भुटनिज युथका गोलकिपर पूजन थापा मगरले बचाए पनि रिबाउन्डमा गोल गरेका हुन् । यस्तै खेलको ३५औँ मिनेटमा मेसुके ओलोमोउले संकटाको अग्रता दोब्बर बनाए । मेसुकेले सुनिल बलको कर्नरलाई गोलमा परिणत गरेका थिए ।
जित संगै विजेता संकटा फुटवल क्लवले नगद १२ लाख र ट्रफि जितेको छ भने उप विजेता भुटनिज युथ क्लवले ६ लाख रुपयाँमा चिक्त वुझाउनुपरेको छ ।