पोखरा माघ १९,
पोखरा महानगरपालिका वडा नं १७ मा रहेको बालोदयमा माध्यमिक विद्यालयको ३६ औं स्थापना दिवसको अवसरमा जिल्लास्तरीय अन्तर विद्यालय स्तरिय चित्रकला प्रतियोगिता सम्पन्न गरिएको छ । विद्यालयमा स्थापित बालोदय आर्ट एण्ड क्राफ्ट क्लवको आयोजनामा भएको कार्यक्रममा ४३ वटा विद्यालयका ७२ जना विद्यार्थीहरुको सहभागिता रहेको थियो । प्रतियोगितामा रीलायन्स पब्लिक स्कुलका छात्रा सृष्टि नेपाली प्रथम, सोही विद्यालयका छात्रा कृष्टिना गुरुङ दितीय , विभुती विद्या सदनका छात्रा इच्छा गुरुङ तृतीय र सबलाइम मा वि का रेजिना ढकालले सान्त्वना स्थान प्राप्त गरेका छन् । सो अवसरमा कार्यक्रमका प्रमुख अतिथि पोखरा महानगरपालिका वडा नं १७ का अध्यक्ष राधिका कुमारी शाहीले, चित्रकला जस्ता सिर्जनशील कार्यक्रमले विद्यार्थीहरुको अन्तरनिहित प्रतीभाको प्रस्फुटन हुने वताईन् । विद्यालयका प्रबन्ध निर्देशक दुर्गा दत्त पगेनीको अध्यक्षतामा सम्पन्न भएको उक्त कार्यक्रममा प्रतियोगिताका विजयी तथा सहभागी विद्यार्थीहरुलाई विद्यालयका प्राचार्य टेकनाथ पौडेलले बधाई तथा शुभकामना व्यक्त गरेका थिए । प्रतियोगितामा प्रथम,दितीय , तृतीय र सान्तवना स्थान प्राप्त गर्न सफल विद्यार्थीहरुलाई क्रमशः नगद रु. दश हजार, पाँच हजार, तीन हजार र दुई हजार तथा ट्रफी एवम् प्रमाणपत्र सहित विद्यालयको वार्षिकोत्सव तथा अभिभावक दिवसको अवसरमा पुरस्कृत गरिने जानकारी कार्यक्रम संयोजक शिव सिर्पालीले गराएका थिए ।