नेकपा एकिकृत समाजवादीको आव्हानमा फेवातालमा गरियो सफाई

पोखरा साउन १०,
जलकुम्भी र फेवाताल एक अर्काका प्रर्याय जस्तै वनेका छन् अर्थात फेवातालमा जलकुम्भी झारले प्रत्येक वर्ष दुख दिईरहेको छ । पोखरा महानगरपालिकाले नियमित रुपमा जलकुम्भि झार हटाउने कार्य गरिरहेको छ तथापि जलकुम्भि हटेको छैन । पोखरा महानगरपालिकाले जलकुम्भि झार हटाउने स्वचालित मेसिन ल्याएको भएपनि सो मेसिनले समेत प्रभावकारी रुपमा काम गर्न सकेन । फेवातालमा देखिने जलकुम्भि झारले फेवातालको सुरुदरतालाई कुरुप वनाएको मात्रछैन फेवातालको कंचन पानीको माथि जलकुम्भि भारले ढाकिदा तालमा पानीनै देख्न मुस्किल पनेै र फेवातलको सुन्दरता समेत हराएको छ ।
पोखरा महानगरपालिकाले जलकुम्भि झार सफा गर्न २५ जना कामदार नियमित रुपमा लगाईरहेको छ । तथािप फेवातालको जलकुम्भि हटेको छैन । तालमा जलकुम्भि झार गुणात्मक रुपमा फैलने भएको कारण पनि समस्या परेको छ । पोखरा महानगरपालिकाले विगत १० दिन देखि जलकुम्भि झार हटाउने अभियान सञ्चालन गरेको छ भने उक्त अभियानमा नागरिक समाज पोखराले सहयोग गरेको छ । यसै विच नेकपा एकिकृत समाजावदी पोखरा महानगर कमिटीले शनिवार फेवातालको सरसफाई तथा जलकुम्भि झार हटाउने कार्य गरेको छ । पोखरा महानगरपालिका वडा नं १८ खपौदी स्थित प्यालाग्लाईडिङ ल्याण्ड गर्ने ठाउको जनिकै फेवातालको किनारमा थुप्रिएको जलकुम्भि झार शनिवार सफा गरिएको हो । उक्त कार्यमा नेकपा एकिकृत समाजवादीका नेता कार्यकर्ताहरु, पोखरा महानगरपालिका सरसफाई शाखाका कर्मचारी, नागरिक समाज , सुरक्षा निकाय ,पत्रकारहरुको सहभागिता रहेको थियो । उक्त सरसफाई कार्यक्रमको शुभारम्भ पोखरा महानगरपालिकाका प्रमुख धनराज आचार्यले गरेका थिए । सो अवसरमा मन्तव्य व्यक्त गर्दै प्रमुख आचार्यले फेवातालको जलकुम्भि झार सफा गर्ने कार्यामा राजनितीक दल नागरिक समाज , लगायत पोखराका विभिन्न संघ संस्थाको सहकार्य आवश्यक रहेको वताए । पोखरा महानगरपालिकाले गित १० दिन देखी फेवातालमा जलकुम्भि झार हटाउने काम गरिरहेको र २५ जना कर्मचारी नियमित रुपमा यो काममा खटिएको प्रमुख आचार्यले वताए । फेवातालको जलकुम्भि झार सफा गर्न नागरिक समाज पोखराले दिएको चासो र सहयोग प्रति प्रमुख आचार्यले नागरिक समाज पोखराका संस्थापक अध्यक्ष राम वहादुर पौडेललाई धन्यवाद दिएका थिए । सो अवसरमा प्रमुख आचार्यले पोखराको नागरिक समाज, उद्योगी व्यवसायी लगायत विभिन्न संघ संस्थाहरुले जलकुम्भि झार हटाउन लागेको खण्डमा जलकुम्भि हटाउने कार्य छिटो हुने वताए । हाल जलकुम्भि तालमा फैलन नपाओस् भनेर जलकुम्भि थुप्रिएको ठाँउमा डोरीले जलकुम्भि वाँधेर राखिएको समेत प्रमुख आचार्यले वताए । महानगरपालिकाले वजेटको व्यवस्था गरेरै जलकुम्भि झार हटाउने अभियान सञ्चालन गरेको प्रमुख आचार्यले वताए ।
पोखरा महानगर कमिटकिा सह सचिव बिकाश पहारीको संयोजकत्वमा भएको कार्यक्रममा नेकपा एकिकृत समाजवादीका नेता तुल वहादुर गुरुङ, महानगर कमिटीका अध्यक्ष प्रेम थापा, गण्डकी प्रदेश कमिटीका सदस्यहरु, कास्की जिल्ला कमिटीका सदस्यहरु, पोखरा महानगरकमिटीका पदाधिकारी तथा सदस्यहरु लगायतका नेता कार्यकर्ता, नागरिक समाज, सुरक्षा निकाय, पोखरा महानगरपालिकका कर्मचारी लगायतको सहभागिता रहेको थियो ।