पोखरा साउन २,
नेपाल कम्युनिष्ट एकिकृत समाजवादी र नेकपा एकिकरण राष्ट्रिय अभियान विच आज एकिकरण भएको छ । काठमाण्डौको राष्ट्रिय सभागृहमा एक भव्य कार्यक्रमका विच नेकपा एककृत समाजवादीका अध्यक्ष माधव कुमार नेपाल, सम्मानित नेता झलनाथ खनाल वरिष्ठ उपाध्यक्ष राजेन्द्र पाण्डे, महासचिव घनश्याम भूषाल लगायतका नेताहरुले बामदेव गौतम लगायत नेकपा एकता राष्ट्रिय अभियानका केन्द्रिय नेताहरुलाई स्वागत गरेका थिए । गौतमलाई स्वागत गरिसकेपछि अध्यक्ष माधव नेपाल र सम्मानित नेता झलनाथ खनालले गौतमसंग अंकमाल गरेका थिए । सो अवसरमा राष्ट्रिय सभागृहमा खचाखच भरिएका नेता कार्यकर्ताहरुको तालीले गौतम लगायतका नेताहरुलाई स्वागत गरेका थिए ।
एकिकरण सभालाई संवोधन गर्दै नेकपा एककिृत समावादीका अध्यक्ष माधव कुमार नेपालले विचार मिल्ने पार्टिहरुसंग एकिकरण गर्दै जाने वताए । वामदेव गौतमको आगमनले पार्टि पंती उत्साहित भएको वताउदै नेपालले एमाले पार्टिमा भईरहेको झगडा तमासा वनिरहेको वेला सवैको ध्यान नेकपा एकिकृत समाजवादी तर्फ गएको वताए । आफ्नो पार्टिलाई एकतावद्ध वनाएर लैजानु पर्ने भन्दै अध्यक्ष नेपालले यस्तो वेलामा पनि कोही नेता कार्यकर्ता एमालेसंग लसपस गरिरहन्छन् भने आफ्नो भन्नु केही नभएको वताए ।
सभालाई संवोधन गर्दे पूर्व प्रधानमन्त्री तथा पार्टिका सम्मानित नेता झलनाथ खनालले नेपालमा एउटै कम्युनिष्ट पार्टि वनाउने अभियान सफल लता तर्फ उन्मुख भएको भएपनि एकाध ब्यक्तिको ब्यक्तिगत स्वार्थका कारण भएको एकता पनि विभाजित वनेको वताए । हामीसंग के थिएन ? झण्डै र्दुई तिहाईको सरकार थियो, हामी संविधान संसेधन गर्ने अवस्थामा पुग्दै थियौ , संसदमा, सडकमा जताततै हामी थियौ तर हामीले कम्युनिष्ट भएर जनताका लागि केही गर्ने वेलामा फेरि विभाजित वन्यौ खनालले भने । बामदेव गौतम लगायतका नेता कार्यकर्ता एकिकृत समाजवादीमा आएपछि यो पार्टिलाई अझै एकतावद्ध वनाएर मुलुककै ठूलो कम्युनिष्ट पार्टि वनाउनुपर्ने खनालले वताए ।
एकता सभालाई संवोधन गर्दै नेता बामदेव गौतमले आफुलाई नेकपा समाजवादीमा आउन ४ वर्ष लागेको वताउदै आफु अव समाजवादीमा आएको र समाजवादी पार्टिमा लाखौ जनता थप गोलवन्द हुने दावी गरे । हाम्रो संविधानले समाजवादमा प्रवेश गर्ने कुरा गरेको हुनाले समाजवाद उन्मुख भन्ने हैन समाजवादमा प्रवेश गरेको भनेर जानुपर्ने गौतमले वताए । राष्ट्रिय पूजीको विकास गर्दै नेपलकै माटो अनुसारको समाजवाद निर्माणको दिशामा समाजवादी पार्टि लाग्ने भन्दै गौतमले यो अभियानमा आउनेहरु आउछन् समाजवाद उन्मुख भनेर पूजीवादीहरुसंग डराउनेहरु छोडिने वताए । आफु पदको लागि नआएको , काम गर्न आएको भन्दै कामको जिम्वेवारी दिन आग्रह गौतमले गरे । आफु आन्दोलनवाट आएको हुनाले कसैसंग नडराउने वताउदै गौतमले कार्यकर्ताहरुले विश्वास गरेमा समाजवादीको नेतृत्व गर्न समेत तयार रहेको वताए । अव यो पार्टिका सदस्यहरु र समर्थकहरुको संख्या कयौ गुणले वढ्ने भन्दै आफु नेताहरुको जिम्वेवारी खोस्न नभई नेताहरुलाई थप जिम्वेवारी दिन आएको गौतमले वताए । आफु एक्लै नआएको भन्दै गौतमले आफ्ना पछाडि धेरै नेता कार्यकर्ता आएकोवताए । २०७५ सालमा नेकपा एमाले र माओवादी केन्द्र विचमा पार्टि एकता गर्न ओली तयार थिएनन् माधव र मेरै कारणले एकिकरण भएको र त्यो एकिकरणवाट आफु अत्यन्तै खुसी र उत्साहित भएको भन्दै त्यो टिक्न नसकेकामा दुखी भएको गौतमले वताए । एमालेमा भएका विगतका तिता मिठा कुराहरु कोट्याउदै गौतमले झलनाथ खनाल अध्यक्ष भएको वेला उहाँलाई केपि ओलीले अध्यक्षवाट हटाएर अर्केलाई अध्यक्ष वनाउने खेललाई आफुले परास्त गरिदिएको स्मरण गराएका थिए । महासचिव धनश्याम भूषालले नेकपा एकिकृत समाजवादी र नेकपा एकता राष्ट्रिय अभियान विचको एकता भएपछि यो एकता खदिलो र कसैले हल्लाउन नसक्ने खालको एकता भएको वताए ।

तपाईंको प्रतिक्रिया दिनुहोस्

तपाईंको प्रतिक्रिया यहाँ लेख्नुहोस् ।
तपाईंको नाम यहाँ लेख्नुहोस् ।