पोखरा , असार ३२,
पूर्व राष्ट्रपति बिद्यादेवी भण्डारीले सक्रिय राजनितीमा फर्कने घोषणा गरेपछि नेकपा एमालेमा नयाँ खालको कम्पन श्रीजना गरेको छ । मदन जयन्तिका अवसरमा काठमाण्डौमा आयेजित एक कार्यक्रमका अवसरमा प्रधानमन्त्री तथा एमाले अध्यक्ष केपि शर्मा ओलीलाई साँची राखेर आफु एमालेको सक्रिय राजनितीमा फर्कने घोषण मात्रै गरिनन् आफुले पूर्व राष्ट्रपतिका हैसियतले राज्यवाट पाउने सवै सेवा सुविधा फिर्ता गर्न गृह मन्त्रालयमा आवेदन पनि दिईन् । भण्डारी एमालेको सक्रय राजनितीमा फर्कने भएपछि एमालेमा ओली पक्षीय नेताहरुको निद हराम भएको छ । कसै कसैले भण्डारी ओलीकै सल्लाहमा सक्रिय राजनितीमा फर्किएको अनुमान गरेको भएपनि हाल एमाले नेता कार्यकर्ताहरुमा भण्डारीको विषयलाई लिएर देखिएको कित्ताकाटले भण्डारी ओलीको सल्लाहमा नभई एमालेका ओली इतरका नेता कार्यकर्ताहरुको अनुरोधमा एमालेमा फर्किएको सोझै अनुमान लगाउन सकिन्छ ।
नेकपा एमालेमा विद्या भण्डारी एमालेको सामन्य कार्यकर्ता हुनका लागि मात्रै पूर्व राष्ट्रपतिको सेवा सुविधा त्यागेर राजनितीमा आएकै हैनन् भन्ने कुरा जो कोहीले पनि अनुमान लगाउन सक्ने कुरा हो । तर एमालेमा ओली निकटका मुलुकभरीका नेता कार्यकर्ता विद्यालाई रोक्ने काममा संगठित रुपमा परिचालित भएका छन् । एमालेमा ७० वर्षे उमेर हद र २ कार्यकाल अध्यक्षमा रहन पाउने कुरामा पनि विवाद देखिएको र त्यसको निरुपण आगामी भदौमा हुने विधान महाधिवेसनले निक्र्यौल गर्ने नेताहरु वताउछन् । अध्यक्ष ओलीले आफु तेस्रो कार्यकाल पनि अध्यक्ष वन्ने कुरा सार्वजनिक गरेपछि उमेर हद र दुई कार्यकाल लार्ई विधानवाट हटाउन विषेश गरि महासचिव शंकर पोखरेल लगायतका नेताहरु लागि परेका छन् । एमाले अध्यक्ष केपि ओली ७० वर्ष नाघिसकेका छन् । त्यसो त वरिष्ठ उपाध्यक्ष ईश्वर पोखरेल पनि ७० वर्ष नाघि सकेका छन् । ओली २ कार्यकालको प्रावधानले पनि अव अध्यक्ष हुन मिल्दैन । त्यस हिसावले ओलीले पार्टिमा उपाध्यक्ष भईसेकेकी तथा पूर्व राष्ट्रपतिको भूमिका निर्वाह गरेर मुलुककै अभिभावक वनेकी बिद्या भण्डारीलाई सौहार्दपूर्ण तरिकाले नेतृत्व हस्तान्तरण गर्नुपर्ने हो तर ओली त्यसो गर्न तयार देखिदैनन् । उनमा अझै एक कार्यकाल पार्टिको अध्यक्ष हुने महत्काक्षामा रहेको देखिन्छ । आफु एक कार्यकाल अध्यक्ष वन्ने र शंकर पोख्रेललाई नेतृत्वमा स्थापित गरेर विदा हुने दाउमा ओली रहेका वेला बिद्याको आगमन केपि, शंकरहरुका लागि निक्कैनै टाउको दुखाई वनेको छ । विधान महाधिवेसनमा ७० वर्षे र २ कार्यकालको प्रावधान हटाईएपनि विद्या भण्डारी ओलीसंग अध्यक्षमा प्रतिष्प्रर्धा गर्ने तयारीका साथ राजनितीमा आएपछि ओली पक्षीय नेताहरु ताउरमाउर देखिएका छन् । सामाजिक सञ्जाल र मिडियाहरुमा एमालेमा नेता कार्यकर्ताहरुको कित्ताकाट सुरु भएको देख्न सकिन्छ ।
एमालेमा हाल आन्तरिक जनवाद समाप्त भएको छ । नेताहरु ओलीको विरुद्धमा खुलेर वोल्न डराउछन् । ओलीको विरोध गरेमा अवसरहरुवाट वंचित भईने, र अली वढिनै वोलेमा अनुशासनको कारवाहीमा परिने र भिम रावल वनिने त्रास एमालेका आम नेता कार्यकर्ताहरुमा रहेको छ । भाटभटेनी सुपर मार्केटका मालिक मिन वहादुर गुरुङसंगवाट १० रोपनी जग्गा दानमा लिने र पार्टिको केन्द्रिय कार्यालय पनि गुरुङलेनै वनाईदिने निर्णय ओलीले पार्टिवाट गराउदा कोही शिर्ष तहका नेताले विरोध गर्न सकेनन् आफ्नो विवेकलाई वन्धक राखेर ओलीको निर्णय स्वीकारे तर उक्त दान स्वीकार गर्ने निर्णयको विरोध स्थायी कमिटी सदस्य बृन्दा पाण्डे र केन्द्रिय सदस्य उषाकिरण तिम्सिनाले देखाए त्यही वापत उनिहरुलाई ६ महिना निलम्वनको कारवाही गरियो । ओलीको चाहान अनुसार नचल्दा विद्या भट्टराईलाई मन्त्री पदवाट राजिनामा दिन वाद्य वनाएर असफल शिक्षा मन्त्रीको ट्याग भिरार्ययो । जनवर्गिय संगठनहरुको चुनावमा उमेद्धारी दिएर प्रतिष्प्रर्धा समेत गर्न दिईएन । एमालेमा हाल उकुसमुकुसको अवस्था छ । त्यस्तो अवस्थावाट एमालेलाई मुक्त गर्नका लागि एमालेका ईमान्दार नेता कार्यकर्ताहरुले पूर्व राष्ट्रपतिको साथ खोजेको वताउन थालेका छन् । त्यसैले उनिहरुले राजनितीमा आईदिन अनुरोध गरेका कारण भण्डारी एमालेको राजनितीमा आएको कुरा सजिलै वुझ्न सकिन्छ ।
बिद्या भण्डारी सानोतिनो तयारीका साथ सक्रिय राजनितीमा फर्किएकी हैनन् भनेर उनि निकट नेताहरुले वताउने गरेका छन् पूर्व राष्ट्रपति भण्डारीले मदन भण्डारी फाउन्डेसन मार्फत आफ्नो राजनितीक गतिविधिलाई तिव्रता दिएकी छन् । जननेता मदन भण्डारीको ७५ औ जन्म जयन्ती विभिन्न कार्यक्रम गरि वर्षैभरी मनाउने र त्यसका लागि जननेता मदन भण्डारी ७५ औ जन्म जयन्ती मुल ब्यवस्थापन समिति गठन गरिएको छ । बिद्या भण्डारी संरक्षक रहेको सो सािमितको संयोजकमा वाग्मती प्रदेशका पूर्व मुख्यमन्त्री एवं एमाले नेता डोरमणि पौडेललार्ई चयन गरिएको छ भने सो समितिको सल्लाहाकारहरुमा पूर्व मन्त्री महेन्द्रवहादुर पाण्डे,पोखराका सोमनाथ अधिकारी प्यासी,युवराज कार्की र वाचश्पति देवकोटा रहेका छन् भने ७३ जना सदस्य रहेको समितिमा मुलुकभरीका विभिन्न जिल्लाका एमालेका नेता कार्यकर्ताहरु रहेका छन् । समितिले २०८२ र ०८३ साल भरी विभिन्न कार्यक्रम गरि मदन जयन्ति मनाउने मंगलवार काठमाण्डौमा पत्रकार सम्मेलन गरि जानकारी गराएको छ । पूर्व राष्ट्रपति भण्डारीले राजनिती गर्ने वलियो र भरपर्दो फोरम मदन भण्डारी फाउण्डेसनलाई वनाएर मुलुकभरीका एमाले नेता कार्यकर्तालाई गोलवन्द गर्ने र आवश्यक परेमा पार्टिको ११ औ महाधिवेसनमा ओलीसंग प्रतिष्प्रर्धा गर्ने रणनिती वनाएको देखिन्छ । मंगलवारनै पूर्व राष्ट्रपति भण्डारीले आफ्नो ब्यक्तिगत वेवसाईट समेत सार्वजनिक गरेकी छन् । यसरी हेर्दा नेकपा एमालेमा सक्रिय राजनिती गर्ने गतिलो तयारीका साथ भण्डारी मैदानमा देखिएकी छन् ।
पूर्व राष्ट्रपति भण्डारीको राजनितीमा आगमनलाई नेकपा एमालेमा मात्रै हैन अन्य पार्टिहरु र छिमेकीले समेत चासोका साथ हेरिरहेका छन् । विषेश गरि छिमेकी मुलुक चिन नेपालका कम्युनिष्ट पार्टिहरु मिलुन् भन्ने चाहन्छ । नेकपा एमालेको नेतृत्वमा केपि ओली रहेसम्म वामपन्थी एकता हुन नसक्ने कुरा वुझेको चिनले बृहत बामपन्थी एकताका लागि विद्या भण्डारीलाई अगाडि सारेको चर्चा समेत सुनिएको छ । गत महिना मात्रै चिन भ्रमणमा गएर फर्केकी पूर्व राष्ट्रपति भण्डारीलाई चिनिया कम्युनिष्ट पार्टिका नेताहरुले एमालेको नेतृत्व गर्न सुझाव दिएको चर्चा नेपालको राजनितीमा व्यापक मात्रामा चलेको छ । विषेश गरि चिनिया कम्युनिष्ट पार्टिका नेताहरुसंग नजिक भएका नेकपा माओवादीका अध्यक्ष प्रचण्ड लगायतका नेताहरु र नेकपा एककिकृत समाजवादीका अध्यक्ष तथा पूर्व प्रधानमन्त्री माधव कुमार नेपाल र पूर्व प्रधानमन्त्री तथा सोही पार्टिका वरिष्ठ नेता झलनाथ खनाल लगायतका नेताहरुले केपि ओली भन्दा विद्या भण्डारी एमालेको नेतृत्वमा आएमा नेपालमा एमाले सहितको बामपन्थी एकताको संभावना रहेको वृफिङ गरेपछि चिनले पूर्व राष्ट्रपतिलाई अगाडि सारेको चर्चा राजनितीक बृतमा चलेको छ ।
English 
नेपाली 