पोखरा साउन १५,
पोखरामा पहिलो पटक आरयु फेष्ट हुने भएको छ । पोखरा महानगरपालिकासँगको सहकार्यमा कोरिया अन्तर्राष्ट्रिय सहयोग नियोग (कोइका) को आर्थिक सहयोग तथा संयुक्त राष्ट्र संघीय विकास कार्यक्रम (युएनडिपी) को प्राविधिक सहयोगमा पोखरामा सञ्चालित रिसाइक्लिङ र अपसाइक्लिङ मार्फत हरित रोजगारी सिर्जना परियोजना अन्तरगत आरयु फेष्ट गर्न लागिएको हो । यही श्रावण १६ र १७ गते बुलौदी स्थित पोखरा इभेन्ट सेन्टरमा फोहोरलाई खजना (मोहोर) बनाउने मूलमन्त्र सहित यो फेस्टिभल आयोजना गरिएको आज पोखरामा गरिएको पत्रकार भेटघाट कार्यक्रममा पोखरा महानगरपालिकाका प्रमुख धनराज आचार्यले वताए । पत्रकार भेटघाट कार्यक्रममा वोल्दै प्रमुख आचार्यले पोखरा लगायत सिङ्गो मुलुकको हरित विकासका लागि एक नवीनतम प्रयासका रूपमा फेस्टिभल स्थापित हुने अपेक्षा व्यक्त गरे । फेस्टिभलले सृजनशीलता, नवप्रवर्तन र दिगोपनाका लागि हातेमालो गर्दै वातावरणमैत्री र सुरक्षित भविष्य निर्माण गर्ने लक्ष्य राखेको प्रमुख आचार्यको भनाई थियो ।
हामीले दैनिक रुपमा प्रयोग गरिरहेका र केही समय प्रयोग गरिसकेपछि प्रयोग विहिन वन्ने सामाग्रीहरूलार्य रिसाइक्लिङ र अपसाइक्लिङ गरी हरित रोजगारी सिर्जना सहित चक्रीय अर्थतन्त्रको निर्माणमा फेस्टिभलले नयाँ ज्ञान, सीप र मार्गदर्शन प्रदान गर्ने र रिसाइक्लिङ र अपसाइक्लिङ सम्बन्धी नेपालको मौलिक सीप र दक्षिण कोरियाको चक्रीय अर्थतन्त्रमा यसले पारेको सकारात्मक प्रभाव र प्रेरणादायी अनुभवहरू आदान प्रदान गरिने प्रमुख आचार्यले वताए । यो परियोजनामार्फत समूहमा निर्माण गरिएका सामानहरुको प्रदर्शनी तथा विक्रिी वितरण गरिने, प्रयोग विहिन फोहरहरुको सदूपयोग गरेर कसरी उपयोगी सामान वनाउन सकिन्छ भन्ने वारेमा मुलुकभरीका विषेग गरि फोहर मैलाको व्यवस्थापन गर्नुपर्ने स्थानिय तहका जनप्रतिनिधिहरुका लागि एउटा ट्रेडिङ सेन्टरका रुपमा समेत विकास हुने र यो परियोजना मार्फत पोखराको पर्यटन प्रवर्धन हुने प्रमुख आचार्य वताए ।
फेस्टिभलमा देशभरिका नवप्रर्तनयुक्त रिसाइक्लिङ र अपसाइक्लिङ उत्पादनहरूको प्रदर्शनी, फोहोरलाई उपयोगी वस्तुमा रूपान्तरण गर्ने प्रक्रियाको प्रत्यक्ष प्राविधिक डेमो सो, जलवायु, दिगो पर्यटन विकास, हरित उद्यमशीलता र प्लास्टिक टु रोड प्रविधि माथि संवाद, युवाहरूका लागि सिर्जनात्मक कार्यशाला, सार्वजनिक कला प्रदर्शनी, सहभागितामूलक गतिविधिहरू प्रस्तुत, दक्षिण कोरियाको सफलता अनुभवमाथि विशेष संवाद सत्र, हरित रोजगारी, बजार पहुँच र दिगो जीविकोपार्जनका उपायहरू लगायत विषयहरू माथि चर्चा परिचर्चा गरिने सो अवसरमा जानकारी गराईयो
हाल रिसाइक्लिङ र अपसाइक्लिङ मार्फत हरित रोजगारी सिर्जना परियोजना अन्तरगत कोइकाको ९.८ मिलियन अमेरिकी डलर र युएनडिपीले ०.८७ मिलियन अमेरिकी डलर आर्थिक सहयोगमा पोखरामा जिभिजेड सेन्टर निर्माण भइसेको छ । नयाँ बजार स्थित प्रदर्शनी केन्द्रमा कोसेली घर निर्माणको काम भइरहेको छ । पोखरा महानगरपालिका क्षेत्रमा १३६ वटा सामुदायिक समूहहरू निर्माण गरी उनीहरूलाई आवश्यक तालिम तथा प्राविधिक प्रशिक्षण पनि प्रदान गरिएको सो अवसरमा जानकारी गराईयो ।
फोहोरमैलाको उचित व्यवस्थापन मार्फत हरित रोजगारी सृजना र चक्रीय अर्थतन्त्रको सृजनशील उपयोग आम समुदायका लागि निकै महत्वपूर्ण हुने विश्वास गरिएको छ । हरित अर्थतन्त्रमा योगदान र्पुयाउने आरयू उद्यमहरूलाई बढवा दिन दिगो नीतिको सुनिश्चितता सहित महानगरपालिकाले परियोजनाको स्वामित्वमा लिनेछ । परियोजना मार्फत आगामी २ वर्षमा ३ हजार रोजगारी सृजना गर्ने लक्ष्य राखिएको छ । पत्रकार भेटघाट कार्यक्रममा परियोजनाका फोकल पर्सन पोखरा महानगरपालिकका ईन्जिनियर नेत्र तिमिल्सिनाले फेष्टीवल वारेमा जानकारी गराएका थिए ।
English 
नेपाली 