पोखरा साउन २०,
पोखरा महानगरपालिका वडा नं १७ वाट प्रहरीले ठूलो परिमाणको लागु औषध सहित ३ जनालाई नियन्त्रणमा लिएको छ । यही साउन १९ गते लागू औषध नियन्त्रण व्यूरो शाखा कार्यालय पोखरा र जिल्ला प्रहरी कार्यालय कास्कीबाट संयुक्त रुपमा खटिएको प्रहरी टोलीले लागु औषध कारोवारमा संलग्न स्याङ्ग्जा जिल्ला स्थायी घर भई हाल पोखरा महानगरपालिका वडा नं.१७ बिरौटा स्थित घारीकुलो बस्ने वर्ष ३२ की रिना थापा मगर,स्याङ्ग्जा जिल्ला फेदीखोला गा.पा. ४ स्थायी घर भई हाल पोखरा म.न.पा. वडा नं. १७ बिरौटा बस्ने वर्ष ३४ को विश्वास गुरुङ र पर्वत जिल्ला स्थायी घर भई हाल पोखरा म.न.पा. वडा नं.१७ बिरौटा बस्ने वर्ष ३९ की मिना थापा मल्ललाइृ नियन्त्रणमा लिएको छ । उनिहरुको घर कोठा खानतलासी गर्दा लागू औषध डाईजापाम– १६६ एम्पुल, फेनेरागन– १६९ एम्पुल, नुर्फिन– १६६ एम्पुल गरी जम्मा ५०१ एम्पुल लागू औषध फेवा पारेको हुँदा लागु ओषध सहित उनिहरुलाई नियन्त्रणमा लिएको जिल्ला प्रहरी कार्यालय कासकीका सूचना अधिकारी हरि वहादुर वस्नेतले जानकारी दिए । उनिहरुको साथवाट ३ थान मोवाईल समेत प्रहरीले वरामद गरेको छ । प्रहरीको नियन्त्रणमा रहेका उनिहरुलाई कास्की जिल्ला अदालतबाट लागू औषध सम्बन्धी कसूरमा १० दिन म्याद थप गरी थप अनुसन्धान प्रकृया अगाडी बढाईएको प्रहरीले जनाएको छ ।

तपाईंको प्रतिक्रिया दिनुहोस्

तपाईंको प्रतिक्रिया यहाँ लेख्नुहोस् ।
तपाईंको नाम यहाँ लेख्नुहोस् ।