अधिकृत बिक्रेता संघको शुभकामना आदान प्रदान तथा क्यालेण्डर बिमोचन

पोखरा चैत ३०,
अधिकृत बिक्रेता संघ पोखराको भित्तेपात्रो (क्यालेण्डर) विमोचन, बिमा सम्बन्धि प्रशिक्षण ,नयाँ वर्ष २०८३ को शुभकामना आदान– प्रदान तथा रमाईलो पारिवारीक बनभोज कार्यक्रम शनिवार सम्पन्न भएको छ ।
कास्कीको अन्नपूर्ण गाउँपालिका वडानं एक स्थित १४ माईल्स रिसोर्टमा भएको कार्यक्रमको अध्यक्षता संघका अध्यक्ष तेजेन्द्र पौडेलले गरेका थिए । सो अवसरमा उनले संघले वार्षिक रूपमा यस प्रकारका नियमित कार्यक्रम गर्दै आईरहेको तथा आगामी दिनमा पनि गर्दै जाने जानकारी दिदै व्यवसायीक हक हितका विविध पक्षहरूका बारेमा बोलेका थिए ।
कार्यक्रममा संस्थापक अध्यक्ष गोबिन्द कर्माचार्यले संघले गर्दै आईरहेका कामहरू प्रति सह्राना गर्दै व्यवासाय सञ्चालन गर्दाका सहजता तथा कठीनाई लगायतका विविध विषयहरूमा चर्चा गरेका थिए । सो अवसरमा हिमालयन एभरेस्ट ईन्सुरेन्सका बिमा जोखिम न्यूनिकरण विभागका प्रमुख दिवस तिमिल्सिनाले निर्जिवन बिमाका बिविध पक्षहरूका बारेमा व्यवसायीहरुलाई प्रशिक्षण दिदै बिमाको परिभाषा, यसको महत्व र विमा गर्ने प्रकृया लगायतका विभिन्न बिमा सम्बधी प्रकृयाहरु वारे जानकारी गाएका थिए ।
सो अवसरमा संघका बरिष्ठ उपाध्यक्ष दिलिप कुमार श्रेष्ठ ,महासचिव राजेन्द्र श्रेष्ठ,कार्यक्रम संयोजक बिजेन्द्र शर्मा पौडेल, संघकी सदस्य बिन्दुरानी शर्मा लगायतले संघको गतिविधिका बारेमा आ–आफ्ना धारणा प्रस्तुत गरेका थिए ।
कार्यक्रममा विभिन्न प्रतियोगितात्मक खेलकूद लगायत विविध मनोरञ्जनात्मक कार्यक्रमहरु गरिएको थियो ।