पोखरा भाद्र ६,
नेकपा एमालेकी उपाध्यक्ष भईसकेकी पूर्व राष्ट्रपति बिद्यादेवी भण्डारीमाथि नेकपा एमालेको नेतृत्वले जुन खालको निषेधको वाटो लियो त्यसको प्रतिवाद भण्डारीले निरन्तर रुपमा गरिरहेकी छन् । एमाले अध्यक्ष केपि शर्मा ओलीले हतार हतारमा केन्द्रिय समितिको वैठक वोलाएर बिद्याको सदस्यतानै नविकरण नगर्ने निर्णय गराए त्यो प्रकरणवाट विद्याको मात्रै हैन मदन भण्डारीको समेत अपमान भएको धेरै एमाले नेता कार्यकर्ताहरुले मनन गरेका छन् तर उनिहरु नेतृत्वको अगाडि चु सम्म पनि वोल्न सक्दैनन् अवस्था पनि एमालेमा त्यस्तै छ नेतृत्वको विपक्षमा वोल्नेहरु सवै खालका अवसर र जिम्वेवारीवाट वंचित हुनुपर्ने अवस्था विगत देखि अहिलेसम्म एमालेमा कायमै छ । मदन भण्डारीकी पत्नी, तत्कालिन एमालेकी उपाध्यक्ष तथा प्रभावशाली नेतृ अहिलेको एमालेका अध्यक्ष केपि शर्मा ओलीको गुटकी किङ मेकर र ओलीलाई हरदम सहयोग गरेर स्थापित गराउने मध्येकी बिद्या भण्डारी माथि एमाले नेतृत्वले जुन खालको रवैया अपनायो त्यो विगतमा माधव नेपाल , झलनाथ खनाल , बामदेव गौतम , भिम रावल र धनश्याम भूषालहरु माथि गरिएको प्रतिशोध पूर्ण व्यवहार भन्दा वढि हो भन्ने वुझाई आम रुपमा रहेको देखिन्छ ।
एमाले नेतृत्व अर्थात च्यासलले बिद्या भण्डारी माथि जुन खालको व्यवाहार गरेको भएपनि भण्डारीले आफु एमालेनै भएको र निरन्तर एमाले पार्टिकै हितमा काम गर्ने वताएकी छन् । विहिवार आफ्नो सम्पर्क कार्यालयको काठमाण्डौको थापागाँउमा उद्धघाटन गर्दै भण्डारीले आफु माले कालकै सदस्य भएको र आफु सदस्य वन्दा एमाले भन्ने पार्टिनै नरहेको भनेर आफ्नो सदस्यता खाने अधिकार कसैलाई नभएको वताईन् । एमालेले जिम्ेवारी दिए पनि नदिएपनि आफु एमालेकै सदस्यको हिसावले पार्टि काममा लागि रहने भन्दै भण्डारीले एमाले नेतृत्व संग भद्र आन्दोलन सुरु गरेकी छन् । मदन भण्डारी फाउण्डेसनको हिरक जयन्ति मनाउन खोलिएको फाउण्डेसनको कार्यालय भनिएपनि उक्त कार्यालय बिद्या भण्डारीले आफ्नो राजनिती गतिविधि वढाउनका लागि खोलिएको सम्पर्क कार्यालय भएको प्रष्ट वुझ्न सकिन्छ । एमालेका वरिष्ठ उपाध्यक्ष ईश्वर पोख्रेल, उपाध्यक्षहरु युवराज ज्ञावाली र सुरेन्द्र पाण्डेलाई मञ्चमा राखेर बिद्याले एमाले पंतीमा आफु एक्लै नभएको सन्देश दिन खोजेकी छन् । मञ्चमा तिनजना उपाध्यक्षहरु वसेको भएपनि कार्यक्रममा एमाले नता कार्यकर्ताहरुको खचाखच उपस्थिती रहेको हुनाले विद्या भण्डारी एक्लै छैनन् भन्ने विहिवारको कार्यक्रमले सन्देश दिएको छ । कार्यक्रममा एमालेमा ओली शैली मन नपराउनेहरु, विगतमा जनसंगठनमा नेतृत्व हाँक्न ईच्छुक, चुनाव भए जित्ने खुवी भएका तर उमेद्धवारी समेत दिन नपाएका संगठनका नेताहरु र तिनिहरुको समर्थनमा रहेका धेरै नेता कार्यकर्ता र एमालेकै नेता कार्यकर्ताहरुको उपस्थिती रहेको थियो । सम्पर्क कार्यालयको उद्धघाटन गर्दै भण्डारीले सवै पार्टिहरुमा विकृति विसंगती देखिएको भन्दै एमालेमा देखिएको विकृति विसंगतीलाई स्पष्ट रुपमा राख्दै त्यसलाई सच्याउनुपर्ने आवश्यकता औल्याएकी छन् । यतिका वर्ष सरकार चलाएर जनताले के पाएर हामीले जनताको पक्षमा के काम ग¥यौ भन्ने विषय समिक्षाको विषय रहेको वताउदै भण्डारीले घुमाउरो पारामा पार्टि नेतृत्व प्रति असन्तुष्टि व्यक्त गरिन् । दुई ठूला दल एमाले र काँग्रेस मिलेर सरकार वनाएको वारेमा पनि उनले घुमाउरो पाराले आलोचना गरिन् । पुराना दुई दललेनै संविधानमा असन्तुष्टि देखाउनु गम्भिर भएको वताउदै संविधान संसोधनको कुरा उठाउने तर के मा संसोधन हो कुन कुन कुन विषयमा संसोधन गर्नुपर्ने हो भनेर स्पष्ट नभएको र जनताको आवश्यकता के हो भनेर भन्न नसकिएको भन्दै असन्तुष्टि व्यक्त गरिन् । जनतालाई हितमा राखेर काम नभएको तर्फ उनको भनाई थियो । भण्डारीले संसद नै निरिह थलो वनेर वसेको समेत वताईन् । संसदहरुले लागेको कुरा वोल्न सक्दैनन् दल र केही नेताहरुको दवावमा संसद रहेको तर्फ उनको जोड थियो । संवोधनका क्रममा उनले नेकपा एकिककृत समाजवादीका अध्यक्ष माधव कुमार नेपाललाई निलम्वन गरिएको तर्फ ईङ्गित गर्दै आरोप लाग्यो भन्दैमा निलम्वन गर्ने कहाँको न्याय हो भनेर प्रश्न समेत गरेकी थिर्यन् ।
विद्या भण्डारीको संवोधनमा राष्ट्रप्रतिको चिन्ता, दलहरुले जनताको आवश्यकतालाई नवुझेको, जनताको प्रतिनिधि मुलक संस्था संसद निरिह वनेको, जनतामा तिव्र रुपमा असन्तुष्टि वढेको र यी सवै कुरालाई समाधान गर्नका लागि आफु राजनितीमा आएको कुरा वुझ्न सकिन्छ । उनले एमाले कार्यकर्ता भएर एमालेकै काम गर्ने वताएर एकातिर नेतृत्व प्रति दवाव श्रीजना गरेकी छन् भने अर्कोतर्फ एमालेकै कार्यकर्ताहरुको मन जितेर जवरजस्त रुपमा एमालेमा स्थान जमाउन खोजेकी छन् । तर एमाले नेतृत्व उनि प्रति उदार देखिदैन । उनि माथि अनेकै अस्त्र लगाएर पार्टि गतिविधिमा वन्देज लगाउने रणनितीमा एमालेका केही नेताहरु रहेका छन् । केही दिन अगाडि विराटनगर जाँदा भण्डारीलाई कोशीका मुख्यमन्त्री हिक्मत कार्की लगायतका नेताहरुले लुकेर भेट गर्नुपर्ने अवस्था आयो । पार्टि कार्यालयमा औपचारिक स्वागत गरिएन, कुनै औपचारिक कार्यक्रम समेत राखिएन विद्याको कार्यक्रममा जान कार्यकर्ताहरुलाई रोक लगाईयो । तथापि एमालेकै नेता कार्यकर्ताहरुले विद्यालाई पार्टि काार्यलयमा स्वागत गरे लुकेरै भएपनि धेरै कायाृकर्ताहरुले भेटघाट गरे र आफ्ना कुरा राखे । यसवाट पनि विद्याको राजनितीक गतिविधिमा तिव्रता देखिएको र विद्याको सक्रियताले एमाले अध्यक्ष केपि शर्मा ओली त्रसित भएको देख्न सकिन्छ ।

तपाईंको प्रतिक्रिया दिनुहोस्

तपाईंको प्रतिक्रिया यहाँ लेख्नुहोस् ।
तपाईंको नाम यहाँ लेख्नुहोस् ।