पोखरा साउन ३०,
नेकपा एकिकृत समाजवादीले नेकपा एकता राष्ट्रिय अभियानवाट आएका बामदेव गौतम सहितका नेताहरुलाई जिम्वेवारी तोकेको छ । नेकपा (एकीकृत समाजवादी) सचिवालय बैठकले वामदेव गौतमलाई पार्टीको तेस्रो वरियताको जिम्मेवारी दिएको छ ।

पार्टी केन्द्रीय कार्यालय आलोकनगरमा आज सम्पन्न वैठकले नेता गौतमलाई अध्यक्ष माधवकुमार नेपाल, सम्मानित नेता झलनाथ खनालपछिको वरियतामा राखेको हो । गौतमलाई पार्टिका सम्पूर्ण विभागहरुको संयोजन गर्ने जिम्वेवारी दिईएको छ । नेता गौतमले संगठन विभागको प्रमुखको जिम्वेवारी पाउनुपर्ने माग गरेको भएपनि उक्त विभाग सहित अन्य ३२ वटा विभागको संयोजकको जिम्मा दिएर चित्त वुझाईएको छ ।
राष्ट्रिय एकता अभियानबाट एकीकृत समाजवादीमा समाहित भएका अन्य नेताहरु मध्ये डिबी कार्की, तुलसी थापा र लोकनाथ धमलालाई पोलिट्ब्यूरो सदस्यको जिम्मेवारी दिइएको प्रचार विभाग प्रमुख प्रकाश ज्वालाले जानकारी दिए । त्यसै गरि भगवती विष्ट, दुर्गादत्त भण्डारी, राधेश्याम गुप्ता, इमानसिंह भारती, रवीन्द्र वम, तोफा यादव, विद्याप्रसाद शर्मा, रामप्रसाद अधिकारी र मोहमदशेर बागवानलाई केन्द्रिय सदस्य वनाईएको छ । वैठकमा नेता गौतमलाई पार्टि अध्यक्ष माधव कुमार नेपालले सपथ ग्रहण गराएका थिए । वैठकमा अध्यक्ष नेपाल विरुद्ध अभिब्यक्ति दिएकी नेतृ राम कुमारी झाँक्रीले आत्माआलोचना सहितको स्पष्टिकरण बुझाएकी छन् । प्रचार विभाग प्रमुख ज्वालाका अनुसार भविश्यमा यस्तो गल्ति नदोहो¥याउने प्रतिवद्धता सहितको स्पष्टिकरण झाँक्रीले दिएकी छन् ।

तपाईंको प्रतिक्रिया दिनुहोस्

तपाईंको प्रतिक्रिया यहाँ लेख्नुहोस् ।
तपाईंको नाम यहाँ लेख्नुहोस् ।