पोखरा , साउन २३,
नेकपा एकिकृत समाजवादी पोखरा महानगर कमिटीको आयोजनामा पोखरा महानगरपालिका वडा नं ३२ चैनपुरमा मा रहेको सिता गुफामा शुक्रवार सरसफाई गरिएको छ । सो पार्टिका पोलिटव्यूरो सदस्य एवं पोखरा महानगरपालिकाका प्रमुख धनराज आचार्यको प्रमुख आतित्यतामा सरसफाई कार्यक्रम सम्पन्न भएको थियो । सो अवसरमा वोल्दै कार्यक्रमका प्रमुख अतिथी आचार्यले पोखरा भित्र रहेका प्राचिन तथा ऐतिशाँशिक गुफाहरुलाई पर्यटकीय गन्तव्यको रुपमा विकास गरिने वताए । यस्ता पर्यटकीय ठाँउहरुको सरसफाई तथा प्रचार प्रसारमा अग्रसर हुन विभिन्न राजनितीक दल तथा स्थानिय संघ संसथाहरुलाई आव्हान गर्दै महानगरले आवश्यक सहयोग गर्ने आचार्यले वताए । महानगर भित्रका यस्ता प्रकृतिक सम्पदाहरुको संरक्षणमा महानगरपालिकाले चासो राखेको वताउदै सिता गुफाको प्रचार प्रसार गर्न सकेमा यस क्षेत्रमा पर्यटकहरुको आगमन हुने र त्यसले यस ठाँउको विकासमा महत्वपूर्ण भूमिका खेल्ने प्रमुख आचार्यले वताए ।
कार्यक्रमका संयोजक तथा नेकपा एकिकृत समाजवादी पोखरा महानगर कमिटीका उपाध्यक्ष सुरज अधिकारी बज्रको अध्यक्षतामा भएको कार्यक्रममा नेकपा एकिकृत समाजवादी कास्कीका अध्यक्ष खड्ग हमाल लगायत जिल्ला स्तरिय नेता कार्यकर्ताहरु पोखरा महानगर कमिटीका अध्यक्ष प्रेम थापा सहित नगर कमिटीका सदस्यहरु लगायत सो पार्टिका बिभिन्न तहका नेता कार्यकर्ताहरु, स्थानिय क्लव तथा आमा समूह,सुरक्षा कर्मी, तथा स्थानियहरुको सहभागिता रहेको थियो । नेकपा एकिकृत समाजवादी पोखरा महानगर कमिटीले विगत केही हप्ता देखि पोखरा महानगरपालिकाका विभिन्न ठाँउमा सरसफाई गरेको छ । सो पार्टिले साउन १० गते शनिवार पोखरा महानगरपालिका वडा नं १८ स्थित खपौदीमा फेवातालको जलकुम्भि सफा गरेको थियो ।

तपाईंको प्रतिक्रिया दिनुहोस्

तपाईंको प्रतिक्रिया यहाँ लेख्नुहोस् ।
तपाईंको नाम यहाँ लेख्नुहोस् ।