पोखरा, चैत्र ५,
पोखरा महानगरपालिका वडानं १३ आर्वा, साझामा सञ्चालनमा रहेको रतन पाण्डे बचत तथा ऋण सहकारी संस्था लि, ले संस्थाको १८औ स्थापना दिवसको अवसरमा शनिवार खुल्ला रक्तदान कार्यक्रमको आयोजना ग¥यो ।
रक्तदान कार्यक्रमका प्रमुख अतिथि पोखरा महानगरपालिका वडानं १३का वडा सदस्य बलबहादुर बरालले पहिलो रक्तदातालाई ब्लड ब्याग हस्तान्तरण गरी कार्यक्रमको शुभारम्भ गरेका थिए । सो अवसरमा सदस्य बरालले सहकारीले आफ्नो स्थापना दिवसमा मानिसलाई जीवनदान दिने पवित्र कार्यक्रम आयोजना गरेकोमा प्रसंशा गर्दै सहकारीहरुले समाजिक उत्तरदार्यत्वको क्षेत्रमा अझ वढि काम गर्नुपर्ने वताए । कार्यक्रममा आशिर्वाद युवा क्लवका अध्यक्ष बिक्रम बराल लगायतले रक्तदानको महत्वका विविध पक्षका बारेमा प्रकाश पारेका थिए ।
रतन पाण्डे बचत तथा ऋण सहकारी संस्था लि का अध्यक्ष बसन्त शर्मा अधिकारीको सभापतित्वमा भएको रक्तदान कार्यक्रममा उपाध्यक्ष नारायण प्रसाद बरालले स्वागत तथा सहकारीका शिक्षा उपसमितिका संयोजक रबिमोहन बरालले कार्यक्रम सञ्चालन गरेका थिए । सो अवसरमा ४५ युनिट रगत संकलन गरिएको थियो ।